ໂຮງກາຍະສິນ ຖືກສ້າງຂຶ້ນໃນປີ 1986 ຢູ່ທີ່ຖະໜົນເຈົ້າອານຸວົງ, ບ້ານສະຫວ່າງ, ເມືອງຈັນທະບູລີ. ສະຖານທີແຫ່ງນີ້ ມີຊື່ສຽງຫລາຍ ແລະ ເປັນທີ່ນິຍົມສຳລັບຈັດການສະແດງ ທາງດ້ານກາຍະສິນຍັງຖືກໃຊ້ເຂົ້າໃນການສະແດງສິນລະປະ-ວັນນະຄະນະດີຕ່າງໆ (ຮອງເພັງ, ຂັບ-ລຳ ແລະ ຟ້ອນ), ລະຄອນ, ການແຂ່ງຂັນສົກມວຍ ແລະ ກິດຈະກຳອື່ນໆ ເນື່ອງໃນວັນສຳຄັນຂອງຊາດ, ເຊິ່ງຈະມີການໂຄສະນາ-ປະຊາສຳພັນໃຫ້ທ່
ຫໍທຳມະສະພາ ຕັ້ງຢູ່ບໍລິເວນວັດທາດຫຼວງເໜືອ ເຊິ່ງຢູ່ທາງທິດເໜືອຂອງພຣະທາດຫຼວງວຽງຈັນ. ຫໍທຳມະສະພາ ຖືກສ້າງຕັ້ງຂຶ້ນ ດ້ວຍສະຖາປັດຕະຍະກຳອັນງົດງາມແບບສິນລະປະລາຍລາວ ເຊິ່ງມີຂະໜາດໃຫຍ່ ແລະ ກວ້າງຂວາງຖືກໃຊ້ເປັນສະຖານທີ່ປະກອບພິທີກຳຕ່າງໆທາງສາດສະໜາຂອງພຣະສົງ.
ປະຕູໄຊ ຫລື ຊື່ເດີມເອີ້ນວ່າ “ອະນຸສາວະລີໄຊຊະນະ” ມັກຖືກປຽບທຽບໂດຍນັກທ່ອງທ່ຽວວ່າເປັນ “ອາກເດີ ທຣີອົມ” (ຢູ່ນະຄອນປາຣີ ປະເທດຟຣັ່ງ) ຂອງລາວເພາະວ່າ ມີລັກສະນະໂດດເດັ່ນຕັ້ງຢູ່ໃຈກາງນະຄອນຫລວງວຽງຈັນ ບໍລິເວນຕອນກາງຂອງຖະໜົນລ້ານຊ້າງ (ຄົນສະໄໝກ່ອນມັກເອີ້ນກັນວ່າ ຊອງ ເອລິເຊ້ ເປັນຖະໜົນຢູ່ໃນປາຣີເຊັ່ນກັນ). ປະຕູໄຊຖືກສ້າງຂຶ້ນນັບແຕ່ປີ ຄສ 1957-1962 ເພື່ອເປັນອານຸສອນໃຫ້ແກ່ການປະກາດເອກະລາດຂອງ ສປປ ລາວ ອອກຈາກແອກປົກຄອງຂອງລ່າເມືອງຂຶ້ນຟຣັ່ງ ໂດຍສ້າງຕາມສັດສ່ວນເລກຕຳລາອັນສຳຄັນຂອງຊາວພຸດ ຄື: 3-7-9. ຮູບຊົງດ້ານເທິງຂອງປະຕູໄຊ ແມ່ນມີລັກສະນະຄ້າຍຄືກັບຜາສາດ ທັດສ໌ມາຮານ ທີ່ຢູ່ປະເທດອິນເດຍ ແລະ ດ້ານໃນ ຖືກປະດັບປະດາດ້ວຍສິນລະປະລວດລາຍອັນເປັນເອກະລັກຂອງລາວ ທີ່ມີສີສັນງົດງາມ ລວມທັງຮູບປັ້ນນາງກິນນາລີ. ປະຕູໄຊມີຄວາມສູງ 49 ແມັດ ດັ່ງນັ້ນ ນັກທ່ອງທ່ຽວທີ່ມາທ່ຽວຊົມຈຶ່ງສາມາດຂຶ້ນໄປສູ່ສຸດ ເພື່ອຊົມທິວທັດອັນສວຍງາມຂອງຕົວເມືອງໃນ ນະຄອນຫລວງວຽງຈັນ. ຢູ່ບໍລິເວນດ້ານລຸ່ມ ກໍເປັນເດີນກວ້າງ ປະກອບໄປດ້ວຍອ່າງນ້ຳພຸ, ດອກໄຟສີ ແລະ ດອກໄມ້ຫລາຍສະນິດ-ຫລາຍແນວພັນ ທີ່ສົ່ງກິ່ນອັນຫອມຫວນ ແລະ ສີສັນສົດໃສຕະການຕາ. ດ້ອຍເຫດນີ້ ປະຕູໄຊ ຈຶ່ງເປັນອີກສະຖານທີ່ທ່ອງທ່ຽວໜຶ່ງ ທີ່ລືຊື່ໃນນະຄອນຫລວງວຽງຈັນ …
ພຣະທາດຫຼວງວຽງຈັນ ປະກາຍສີທອງຄຳອັນຮຸ່ງເຮືອງ ຕັ້ງຢູ່ຢ່າງໂດດເດັ່ນທີ່ເຂດບ້ານທາດຫຼວງ, ເມືອງໄຊເສດຖາ, ເປັນປູຊະນິຍະສະຖານບູຮານອັນເປັນສັນຍາລັກຂອງປະເທດລາວ, ເປັນພຣະທາດໂລກະຈຸນລະມະນີ ທີ່ບັນຈຸພຣະສາລິກະທາດຂອງພຣະພຸດທະເຈົ້າ ແລະ ເປັນສູນລວມແຫ່ງຈິດວິນຍານຂອງປວງຊົນລາວທັງຊາດ. ພຣະທາດຫຼວງວຽງຈັນ ຖືກສ້າງຂື້ນເທື່ອທຳອິດເມື່ອປີ ພສ 236 ໂດຍການນຳພາຂອງເຈົ້າເມືອງວຽງຈັນ ຈັນທະບູລີ ປະສິດທິສັກ ຫຼື ບຸລິຈັນ ແລະ ຖືກຕໍ່ເຕີມສ້າງຕື່ມອີກໃນປີ ຄສ 1556 ໂດຍເຈົ້າໄຊຍະເສດຖາທິຣາຊ ກະສັດຜູ້ສະຖາປະນາວຽງຈັນ ເປັນນະຄອນຫຼວງຂອງອານາຈັກລາວລ້ານຊ້າງ. ມາຮອດປີຄສ 1957, ລັດຖະບານລາວ ພາຍໃຕ້ພະບໍລົມມະຊູປະຖຳຂອງ ເຈົ້າສີສະຫວ່າງວົງ ກໍ່ໄດ້ນຳພາປະຊາຊົນປັ້ນ ພະບໍລົມມະຮູບຂອງ ເຈົ້າໄຊຍະເສດຖາທິຣາຊ ປະດິດສະຖານໄວ້ ຢູ່ໜ້າທາງເຂົ້າພະທາດດ້ານຕາເວັນຕົກ ເພື່ອເປັນອະນຸສາວະລີທີ່ພະອົງໄດ້ສ້າງພະທາດຫຼວງ ຂື້ນມາເປັນທີ່ສັກກະລະບູຊາຈົນຮອດປະຈຸບັນ. ພຣະທາດຫຼວງສູງ 45 ແມັດມີໃບສິມມາອອ້ມ 228 ໃບ, ມີ ບໍລິວານ (ທາດນ້ອຍ) ອ້ອມຮອບ 30 ອົງເອີ້ນວ່າປະລະມິສານສິບທັດ, ຕີນພຣະທາດແຕ່ດ້ານຕາເວັນອອກ ຫາດ້ານຕາເວັນຕົກຍາວ 69 ແມັດ, ແຕ່ດ້ານເໜືອຫາໃຕ້ຍາວ 68 ແມັດ …
ໃນຕອນເຊົ້າຂອງວັນທີ 27 ມີນາ 2023, ທີ່ສຳນັກງານໃຫຍ່ ກຸ່ມບໍລິສັດ ທະວີຊັບ, ໄດ້ມີການຈັດພີທີເຊັນສັນຍາ ໂຄງການຮ່ວມມືພັດທະນາ ບໍລິສັດ ວິສາຫະກິດ ຮັກສາຄວາມປອດໄພ, ລະຫວ່າງ ກຸ່ມບໍລິສັດ ທະວີຊັບ, ຕາງໜ້າໂດຍປະທານ ທ່ານ ສຸກດາລາ ນໍລະແສງ ແລະ ບໍລິສັດ ລາວ ເຣດ ເວັບ ອິນເວສເມັ້ນ ເມເນເຈີ້ເມັ່ນ ຈຳກັດຜູ້ດຽວ, ຕາງໜ້າໂດຍປະທານ ທ່ານ Lu Zhicheng.
ພາບຄວາມຄືບໜ້າໃນການເຄື່ອນໄຫວສ້ອມແປງໂຮງຮຽນປະຖົມສົມບູນຫາດຄຳຮຽງ ທີ່ ເມືອງເຊບັ້ງໄຟ, ແຂວງຄຳມ່ວນ ຫຼັງຈາກໄດ້ຮັບການຊ່ວຍເຫຼືອ. ຝາກທ່ານຊ່ວຍ ກົດແຊຣ໌ໂພສນີ້ເພື່ອເປັນສ່ວນໜຶ່ງໃນການເຮັດກິດຈະກຳຊ່ວຍເຫຼືອສັງຄົມຄັ້ງຕໍ່ໄປກັບພວກເຮົາ.
ເພື່ອເປັນການຕ້ອນຮັບວັນຄົບຮອບ ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 62 ປີ(5 ເມສາ 1961 – 5 ເມສາ 2023), ໃນຕອນເຊົ້າຂອງວັນທີ 13 ມີນາ 2023, ທີ່ກົມຕຳຫຼວດກວດຄົນເຂົ້າ-ອອກເມືອງ ກະຊວງປ້ອງກັນຄວາມສະຫງົບ, ໄດ້ມີພິທີມອບ-ຮັບ ທຶນສົມທົບການກໍ່ສ້າງສະໜາມກິລາໃນຮົ່ມໃຫ້ກັບ 3 ກົມຄື: ກົມຕຳຫຼວດກວດຄົນເຂົ້າ-ອອກເມືອງ, ກົມຄຸ້ມຄອງຄົນຕ່າງປະເທດ ແລະ ກົມຕຳຫຼວດທ່ອງທ່ຽວ. ທ່ານ ສຸກດາລາ ນໍລະແສງ, ປະທານ ກຸ່ມບໍລິສັດ ທະວີຊັບ, ໄດ້ມອບທຶນເປັນເງິນສົດມູນຄ່າ 200.000.000 ກີບ(ສອງຮ້ອຍລ້ານກີບ), ເຊິ່ງຕາງໜ້າເປັນປະທານຮັບມອບໂດຍ ທ່ານ ພັນເອກ ສາຍສະໝິງ ສີວິໄລ, ຫົວໜ້າກົມ ຕໍາຫຼວດກວດຄົນເຂົ້າ-ອອກເມືອງ ພ້ອມດ້ວຍຄະນະ. ໃນໂອກາດດັ່ງກ່າວ, ທ່ານປະທານ ໄດ້ກ່າວສະແດງຄວາມຂອບໃຈມາຍັງ ປະທານ ກຸ່ມບໍລິສັດ ທະວີຊັບ ພ້ອມດ້ວຍທີມງານ ທີ່ມີການປະກອບສ່ວນໃນການຊ່ວຍເຫຼືອກະຊວງປ້ອງກັນຄວາມສະຫງົບຕະຫຼອດມາ.
ໃນຕອນບ່າຍຂອງວັນທີ 6 ມີນາ 2023, ກຸ່ມບໍລິສັດທະວີຊັບ, ຮ່ວມກັບຜູ້ອຸປະຖຳ ຫຼາຍພາກສ່ວນ, ໄດ້ລົງສະໜາມຈັດພິທີມອບ-ຮັບທຶນຊື້ອຸປະກອນສ້ອມແປງໂຮງຮຽນປະຖົມສົມບູນຫາດຄຳຮຽງ ທີ່ ເມືອງເຊບັ້ງໄຟ, ແຂວງຄຳມ່ວນ. ພີທີດັ່ງກ່າວ ໃຫ້ກຽດເຂົ້າເປັນປະທານໂດຍ ທ່ານ ວິໄລ ພົມມະຈັກ, ຮອງເລຂາພັກເມືອງເຊບັ້ງໄຟ ແລະ ຮັບໂດຍຜູ້ອຳນວຍການ ໂຮງຮຽນປະຖົມສົມບູນ ຫາດຄຳຮຽງ. ເຊິ່ງໃນການຊ່ວຍເຫຼືອຄັ້ງນີ້, ປະທານ ກຸ່ມບໍລິສັດທະວີຊັບ, ທ່ານ ສຸກດາລາ ນໍລະແສງ ໄດ້ມອບທຶນເປັນເງິນສົດ ຈຳນວນ 22.730.000 ກີບ, ລວມກັບຜູ້ອຸປະຖຳຈາກພາກສ່ວນອື່ນອີກ 9 ພາກສ່ວນ, ລວມເປັນເງິນຈຳນວນ 38.245.000 ກີບ. ຝາກທ່ານຊ່ວຍກົດໄລກ໌ ກົດແຊຣ໌ໂພສນີ້ເພື່ອເປັນສ່ວນໜຶ່ງໃນການເຮັດກິດຈະກຳຊ່ວຍເຫຼືອສັງຄົມຄັ້ງຕໍ່ໄປກັບພວກເຮົາ.
ໃນຕອນເຊົ້າຂອງວັນທີ 07 ກຸມພາ 2023, ທີ່ກະຊວງປ້ອງກັນຄວາມສະຫງົບ, ໄດ້ມີການຈັດພິທີມອບ-ຮັບ ທຶນຊ່ວຍເຫຼືອ ຕິດຕັ້ງລະບົບໂທລະໂຄ່ງ ໃຫ້ກັບ 12 ໝູ່ບ້ານ ໃນເຂດຈຸດສຸມ, ເມືອງສົບເບົ້າ, ແຂວງຫົວພັນ, ເຊິ່ງໃຫ້ກຽດເປັນປະທານ ໂດຍ ທ່ານ ພົນຕີ ວັນທອງ ກອງມະນີ, ກຳມະການສູນກາງພັກ, ຮອງລັດຖະມົນຕີ, ຫົວໜ້າກົມໃຫຍ່ການເມືອງ ກະຊວງປ້ອງກັນຄວາມສະຫງົບ. ເພື່ອເປັນການຊຸກຍູ້ວຽກງານດັ່ງກ່າວ ໃຫ້ໄດ້ຮັບການຈັດຕັ້ງປະຕິບັດ ຕາມທິດຊີ້ນຳ ຂອງການນຳພັກ-ລັດ ໃນການເຜີຍແຜ່ຂໍ້ມູນຂ່າວສານຮັບໃຊ້ໜ້າທີ່ການເມືອງຂອງພັກ-ລັດ ໃນແຕ່ລະໄລຍະໃຫ້ໄດ້ຮັບຜົນເປັນຈິງຢ່າງທົ່ວເຖິງ, ທັງ 3 ບໍລິສັດ ທຸລະກິດໃນລາວ ຈຶ່ງຮວມກັນປະກອບສ່ວນຊຸກຍູ້ໂຄງການເຊິ່ງປະກອບມີ : 1. ບໍລິສັດ ຊີເຄ ການຄ້າ ຂາອອກ-ຂາເຂົ້າ ຈຳກັດ ຜູ້ດຽວ, ມອບໂດຍ ປະທານບໍລິສັດ, ທ່ານ ວັນດີ ກວາ ລີວົງ; ມອບທຶນຊຸກຍູ້ ຈຳນວນ 73.400.000 ກີບ. 2. ກຸ່ມບໍລິສັດ …
ໃນຕອນບ່າຍຂອງວັນທີ 09 ມັງກອນ 2023, ທີ່ສູນຝືກອົບຮົມ ກົມໃຫຍ່ການເມືອງ (ສະໜາມມ້າ), ໄດ້ມີການຈັດພິທີເຊັນສັນຍາຮ່ວມມື ໂຄງການຕິດຕັ້ງປ້າຍໂຄສະນາແອລອີດີ ແລະ ປ້າຍບິວບອດ ລະຫວ່າງ ກະຊວງປ້ອງກັນຄວາມສະຫງົບ ແລະ ກຸ່ມບໍລິສັດທະວີຊັບ, ເຊິ່ງໃຫ້ກຽດເປັນປະທານໂດຍ ທ່ານ ພົຕ ວັນທອງ ກອງມະນີ, ກຳມະການສູນກາງພັກ, ຮອງລັດຖະມົນຕີ, ຫົວໜ້າກົມໃຫຍ່ການເມືອງ ກະຊວງປ້ອງກັນຄວາມສະຫງົບ ແລະ ມີຄະນະນຳຈາກກົມກອງອ້ອມຂ້າງກະຊວງປ້ອງກັນຄວາມສະຫງົບ ແລະ ປົກຄອງນະຄອນຫຼວງວຽງຈັນ ຫຼາຍທ່ານເຂົ້າຮ່ວມ. ໂຄງການດັ່ງກ່າວ, ເປັນໂຄງການທີ່ສ້າງຂຶ້ນ ເພື່ອຮັບໃຊ້ “ວາລະແຫ່ງຊາດ ວ່າດ້ວຍການຕ້ານຢາເສບຕິດ”, ເຊິ່ງຈະມີການຕິດຕັ້ງປ້າຍຫຼາຍຈຸດໃນທົ່ວປະເທດ ຕະຫຼອດແຕ່ເໜືອ ຮອດໃຕ້, ກະຊວງປ້ອງກັນຄວາມສະຫງົບຈຶ່ງໄດ້ຮ່ວມມືກັບເອກະຊົນ ເພື່ອໃຫ້ການໂຄສະນາ ວາລະດັ່ງກ່າວໄດ້ຮັບຜົນດີຍິ່ງຂຶ້ນ. ໃນພິທີເຊັນສັນຍາຄັ້ງນີ້, ທາງກະຊວງປ້ອງກັນຄວາມສະຫງົບ ແມ່ນຕາງໜ້າໂດຍທ່ານ ພົຈວ ຄອນສະຫວັນ ສົມພາໄຊ, ຮອງຫົວໜ້າກົມໃຫຍ່ການເມືອງ ກະຊວງປ້ອງກັນຄວາມສະຫງົບ ແລະ ທາງກຸ່ມບໍລິສັດ ທະວີຊັບ, ຕາງໜ້າໂດຍ ທ່ານ ສຸກດາລາ ນໍລະແສງ, …
LAO PT INSURANCE. All Rights Reserved.
Google Play
App Store